[#231 再續前緣 - 記香港人故事三]

有乜野比做到自己鐘意既野開心? 就係做返自己以前一直做緊、人地開心自己開心以及將街頭寶麗箂攝影文化帶過黎愛丁堡。

講緊既係讀者Chris，筆者非常有幸今晚聽到佢既個人故事，從前係旺角擺檔幫人影低無數寶貴回憶既佢，因為行人專用區既取消以及香城既轉變，輾轉帶同家人黎到愛丁堡定居。

如今再續前緣，係Royal Mile擺檔，題為: 將西洋菜街帶黎愛丁堡，Chris自覺話諗都無諗過，但身為保麗箂既愛好者同收藏家，無理由唔公諸同好，獨樂樂不如眾樂樂，幫人影相之餘自己又開心，更將呢塊土地給予佢既自由善加利用，將愛丁堡既光與影連同被攝者當刻既開心回憶定格放送，"你睇下佢地既笑容 "，滿足感同開心一併收獲。

Chris 回憶第一個幫襯佢既香港人家庭，不問價錢直接支持，令到佢十分感動。最後佢決定將幅相送比呢個家庭，形容"香港人真係好可愛"。

"平時我係學校打雜，閒時有空就會係愛丁堡中心擺檔，期待遇到更多港人，幫佢地影低獨一無二既珍貴時光。" 佢頓一頓，"黎到呢度，令到我擺脫左香港固有既定模式以及從前討厭既工作，囝囝黎到都變得格外陽光外向，係我黎英國既一個bonus，我超感恩。"

下次去愛丁堡大街，或者你會見到Chris既喜悅。

#香港人故事

#記香港人

註: 相片已獲當事人同意上載至社交網絡。

後記: 筆者定期都有同唔同既讀者交流，好高興認識Chris同聆聽佢既故事。世界好大，換一個舞台，等自己可以開心展示自己既專長或者分享快樂，世界可以因你變得更美。