[#234 英國童黨問題]

Leicester 有個80歲既老漢溜狗既時候被童黨襲擊致死，警方拘捕兩個一男一女同為14歲青年，以及二男一女同為12歲既青年，懷疑佢地涉及謀殺，目前正處於羈留狀態。

據悉呢個老漢係印度裔，曾報警話班童黨向佢掟石，又比佢地踢背，原因係佢出聲話佢地坐係鄰居車房屋頂唔岩，初時只係口角，後來就招黎殺身之禍。老漢報警後3日，警察先蒲頭問佢發生咩事。老漢個囡向媒體表示，老豆曾被圍毆及拳打腳踢，被發現時躺於樹下，受傷嚴重被送至醫院後不治。

鄰居形容老漢為人友善，平時喜歡種植及交換農作物，好難想像會有人唔鐘意老漢，但描述事件發生前幾日已經見到童黨向老漢屋企掟石。

Leicester 曾經被封為East Midlands最佳居住地，但英國度度都查實有分好區同唔好區，住一個地方除左因為佢出名好住之外，搵到個區岩住既區域都係一個重要既議題，唔好將自己放係危險既地方。

筆者三年幾前岩岩到埗渣電單車送外賣搵食，係salford區亦遭遇童黨試圖踢跌筆者既電單車，部分夜間亦蒙面，一言不合即出拳，如果大家遇到，都記緊好漢不吃眼前虧，搵到支援再反擊未遲。

但有一點注意既係，呢邊青少年問題就算坐監都唔會耐，好快放返出黎，佢係咪再尋你仇又係一件事，加上而家英倫監獄爆棚，放返出黎搞搞震係等閒事，所以得閒學返小小自衞術都係有必要。

#英倫深層次問題

#歧視問題

#童黨問題