top of page
Search

[#237 鬼剃頭!!  老公係咪對你好差呀?  家暴呀? 好大壓力呀? 老公唔比錢你使呀?]

話說，太太早排出現左鬼剃頭，朋友聚會期間，都私下問筆者太太: "係咪你老公比太大壓力你呀? 係咪佢蝦你呀? 係咪佢唔比飯你食呀... " 惹黎大家不同既猜測


筆者都想試下做個負心漢，奈何筆者唔係個類人，而係顧家好男人，乜都嘗試幫佢做哂，等佢有最多時間休息... 下刪300字 。但過左一段時間之後，發覺佢鬼剃頭情況唔止無好返，仲有繼續惡化既跡象，就知道今獲唔睇GP都唔得。


結果一驗血，不得了，好多指數都低下，唔夠維他命D，又唔夠鐵質，又唔夠biotin，導致甩頭髮。太太從前係香港經常周圍飛，成日打邊爐或者去台灣食鴨血，無甩頭髮既情況，移英頭兩年幾都無事，真心，女仔甩頭髮真係好影響心情，今次驗一驗就知點解呢邊咁多鬼都啪supplements，事關真係要食返足夠先平衡到，等身體吸收到。 甩頭髮唔係男士專利，女仔都好大機會發生，如果發覺沖涼去水位成日塞，就要開始留意下。


圖中係太太初時既情況，佢曾經擔心係荷爾蒙失調或者淋巴有事，而家睇黎就係缺乏左上段所述既3種營養。早前，佢亦曾透露好難訓得著，懷疑因為唔夠鐵質令到佢有不寧腿既相關症狀，結果搞到訓得唔好，日頭好攰。加上比較少做運動，令到身體成日感覺疲累。


大家平時食物攝取多樣化好重要，黎緊英國步入冬天，如果唔夠陽光或者曬得少，要定時補充營養品及biotin，最好做埋gym 游下水，促進血液循環都好重要，個人又開心d。太太而家食返多d supplement，得閒去gym房sauna下，情況正慢慢康復。如果有讀者有類似情況，要正視問題，聆聽身體既需要



p.s. 筆者近排搵到間好正既gym，已經操返水，每次都入桑拿房坐5分鐘，成個人都無咁凍仲要精神好多，係一個渡過英倫冬天既辦法之一。

生完小朋友既女性都要補充多少少營養。



移英甩頭髮點搞?! (原因及治療方法)



 
 
 

Comments

bottom of page