[#243 英國懲教員大不同 - 記香港人故事四 – 下集]

上集就講到Jim 體會到英國監獄係點樣運作，以及設立監獄既意義係邊度，下集當然要講d實際d既野。究竟份工既好處同壞處係乜?! 點見工架? 薪酬待遇又如何?! 今晚繼續詳細全披露!

Jim直言份工另一個好處，在於工作自由度較大，流動亦比較大，平時原來好少見到上司，”唔見好過見” 係James形容懲教員制度既日常，因為見親通常無乜好野，但佢同同事就相處融洽，互相幫忙，工作平時主要係黑人以及亞洲人為主，因為本地白人唔鐘意份工既輪班制度，有時有空閒既時間大家亦會聯誼下，好chill架。

講完好處當然講下壞處，Jim話著制服返工都無乜野，但無得玩電話就幾難頂，始終無得即時通訊，要提早同太太夾好時間一齊湊小朋友，另外，監獄通常係郊區會比較凍。除此之外，Jim都幾滿意而家個待遇，渣30分鐘車就返到工，風涼水冷，何況都幾好pay，年薪34800鎊，頂薪可以去到4萬鎊一年，平時仲可以OT加人工，22鎊一個鐘，正啊! 一個星期返37個鐘，鐵飯碗，亦有晉升階梯，一般做滿3年半就升得職，Officer之後係Supervisor，再之後就到manager，不過經理工作主要係行政，唔再係對住D囚犯。

一年仲要有27日大假，如果大時大節就同同事輪流放假，反正大家感情好，通常攞假都批，唔會托手踭，制服方面，每個職員都可以申請7套制服，Jim係郊區監獄工作，近乎全部攞哂長袖。

面試呢份鐵飯碗原來要有耐性，雖然Jim一take pass，但足足搞左半年，本地人就通常3-4個月就得，點解? 原來係最尾個部分需時耐d，事關需要品格檢查以及無犯罪紀錄。

懲教員既申請步聚:

1. 網上申請填表寄出

2. 網上測驗 – James形容係小學雞級數，主要係有d情境問題問你加減數。

3. 網上video call 真人面試

甲部 – 問問題

a. 你點解想做呢份工呀?

b. 你有幾清楚懲教員既工作內容?

乙部 – 情境題

c. 考官會用粗口問候你，以及侮辱你 – 主要測試你既抗壓能力以及應對能力

4. 上面通過哂就會出封Pre-employment letter比你

5. 體能測試

a. 手握力 – 25kg

b. 用手攞起7kg既盾 45至60秒

c. 15米來回跑

d. 34秒內完成障礙賽

6. 品格檢查 – 要求你有以前既無犯罪紀錄 – 但香城警方會諸多留難，唔出證明。最後James靈活變通，搵左關係好既前上司寫左封信證明佢之前既良好工作紀錄，以及工作期間無任何犯罪紀錄博一博，點知單車真係變左摩托。司法部個邊亦會同呢位推薦人用電郵cross-check返資料，證明資料屬實。

7. 最後Jim成功取得職位，進行為期7星期既training。Training前，監獄個邊亦會安排一次監獄visit比你，等你了解工作環境。

聽完之後，你又覺得呢份係咪筍工? 今次非常多謝Jim可以完全披露佢既工作日常，以及面試內容同貼士，佢亦形容份工其實係好多岩岩移英人士既良好踏腳石，事關唔使乜野特別技能，只需良好英語溝通即可，每個月稅後都有二千幾鎊，基本上唔大使既話生活無憂。

站穩陣腳先再搵老本行，或者睇睇點樣晉升上去都係一個好既途徑，主要因為鐵飯碗基本上唔會炒人。筆者都戥Jim感到開心，黎到英國搵到份穩定工作，又同同事相處融洽，堅係一份祝福，起碼唔使好似筆者咁要應付印度人上司先。

#香港人故事

#記香港人

#懲教員

#面試秘笈