[#247 點解英國無7仔?! ]

有既話你話方便幾多呢?! 筆者相信大家初頭黎英國都可能有呢個疑問。

查實而家英國都有co-op / tesco express / morrisons daily叫做係超方便，尤其co-op同tesco express都唔少分店，只不過唔係24小時，英國無7仔既原因筆者推論係因為有門檻，你一入黎要搞掂供應鏈之餘仲要面對幾大既競爭。

你可能會話: 咁7仔係日本都有競爭對手Lawson / Family Mart / Daily Yamazaki啦?! 咁你都岩既，但7仔歷史都叫耐，一齊開波大家同時探索同時擴展，英國就已經被人插哂旗，唔玩敵意收購都幾難佔一席地。

翻查資料，7仔原來以前進駐過英國，但1997年全線結業敗走，相信係因為搵唔到定位或者展現唔到佢既長處而盈利萎縮撤退。早前報導指7仔認為英國便利店市場已 "飽和"。

你又覺得點解7仔係英國度企唔穩 / 無意再進軍英國?

Recent Posts