[#250 遊英記得申請ETA]

大家留意英國2025 年 1 月 8 日起，即係聽日開始，將會實施一項新政策，所有前往英國既旅客包括持有 BNO 人士都需要申請ETA，即係電子旅行授權。

如果你有visa係手，例如BNO Visa / Spouse Visa / Working Visa等，就唔使申請ETA。其他所有進入英國既外國人都需要係網上預先提交 ETA 申請，批左就去得。簡單講如果大家有親友黎英國玩或者探訪都要申請ETA。

ETA 申請人最多係英國停留 6 個月，有效期 2 年，會同申請人本護照連結，如果護照期間過期，就要重新申請。有效期內申請人可以多次進入英國。

申請過程:

好簡單而且唔使面對面處理。旅客只需上傳護照、掃描個樣、提供個人資訊以及回答簡單問題，最後用信用卡、Apple Pay／Google Pay 比10鎊，大約 3 個工作日就批，可以網上申請或者用佢個uk ETA app。

未申請或未獲批准既情況下，航空公司有權拒絕未申請 ETA 人士登機。旅客無須出示紙本申請證明，因 ETA 會設於護照電子資料，如果謹慎d，你預先download定 ETA 申請電郵紀錄做backup。

ETA一方面可以cap水，一方面增強英國政府了解旅客，提高防範恐怖活動、非法移民及其他犯罪活動。

#eta 

#歐洲黎緊都推eta