[#252 英國後生仔鐘意同老豆媽子住？]

眾所周知貴租既地區好多時後生仔都傾向同老豆媽子住一齊先，等羽翼漸豐啦，先再出黎獨立。英國24至34歲人士有大概五份一係同父母同住，總數係大概170萬人，最常見係倫敦同埋其他屋價較高既地方。

據IFS調查所得，倫敦後生仔慳到既屋租，有1000鎊，對比全國560鎊既水平，以及威而斯既340鎊。

至於成因除左係因為出去住成本高，亦有少部分原因係少左人結婚同生仔。而呢個現象唔止英國，美國加拿大澳洲都係。

再有趣d既數據係，25歲既人有43%仲同屋企住，去到34歲就跌到9%。男女性都有唔同，係34歲呢個分水嶺男性係有12%仲同屋企人住，對比女性既5%。筆者回想起黎都係30歲先出去自住，好處多籮籮，正到返唔到轉頭，亦更珍惜屋企人，所以有時有捨先有得。

早前去旅行玩，最唔慣係酒店或者香港既屋企得一個洗手間英國住獨立屋既好處係乜都唔使忍一人一個廁所雖然冬天真心凍，但一凍趕走哂所有蟲，最多都係得蜘蛛，慶幸筆者完全唔驚蜘蛛 (除非爆蛋)，過左黎係真心生活舒服，去泰國期間蚊叮蟲咬成日要搽野。

留言話比筆者聽，你黎左英國住覺得改變最多係乜野? 最好又係乜野?

Recent Posts