[#255 Which? 票選最佳及最差能源供應商! 🎯]

先講最差! 依次為British Gas、Scottish Power及Ovo Energy，獲得分數全部係60以下。

最好呢? 依次為Octopus Energy、Utility Warehouse 及100Green，分別獲得74、73以及70分。

今次受訪人數有成12000個能源客戶，評分項目包括 "是否容易搵到客戶服務"、"如果有價格轉變是否與客戶有效溝通"、"準確收費"、"月結單是否清楚無誤"、"係咪抵用"、"客戶溝通" 等等，而Which? 又對部分項目加以收集評分，特別係 "投訴"、"客戶服務搵到人溝通"、"幫助有需要既客戶"、"智能錶"、"是否容易轉去另一間能源供應商" 等。

調查讚octopus客服應機好快，係客戶服務方面取得滿分。同樣取得超高分客服既係 100Green。Which? 指出部分能源供應商不停去做好滿足客戶，但British Gas、Scottish Power及Ovo Energy等大型能源供應商就好似有心令客戶失望，形容此等行徑唔要得。

早前最凍負溫度個三四日，octopus個tracker plan 曾經彈上40p一度電，但隨後又已經即刻回落，筆者用excel計返冬天平均係23-26p一度電，全年大概20-22p一度電。筆者係最凍個幾日都有睇價錢做人，節省用電，第二日電價回落就做乾衣等等既動作。

有部分讀者鐘意長開暖氣就探索埋fixed plan，可以做到輕微比price cap rate平既價錢。兩者都慳到，睇下邊款岩自己多d就用邊款。

留言放低評分項目圖比大家參考。