[#260 傳統教育教你做社會螺絲? 小朋友應該自學乜野好?]

講起教育，英國注重創意、邏輯思考同表達技巧，多過教你做一部機器。但查實傳統教育，基本上都大同小異。如果比多次機會你可以重新黎過，你會揀d乜野黎去讀呢?

呢兩日筆者同太太係度討論，大致brainstorm左以下既野出黎，同你諗法一唔一致?

中英數基本野必學! 尤其係小朋友黎到英國，學中文每日一字真係重中之重。至於英文，筆者相信係無問題，只需要執返好文法。至於數學，應該係香港人強項。全部基本野，打好個底令到學其他野更加容易。

第二樣野就係學多一門外語，必揀先進地方既語言學，筆者揀日文，但呢邊無乜練習既好地方，所以揀西班牙文/法文進修都好，近住歐洲之餘，前者去拉丁美洲好方便，後者去非洲都用到。

想要有common sense多d，phy chem bio geography缺一不可，以前讀9科，查實係好事黎~ 而家商業社會行頭，越早了解稅務同會計尤其重要，但黎緊有AI，呢兩樣野應該會容易D去學，而呢兩樣對成長以及成立公司真係好有幫助，起碼可以輕鬆小小應對交稅呢個題目，點樣轉移置產交最少稅。

企業關係、社會關係、家庭關係、婚姻關係以及人際關係，更加係需要深造，學校係呢d野上面，都係無教或者輕輕帶過。

坊間成日都話要識邊個邊個，方便帶契自己，但講真，識人好過識字既前題下，係打鐵還需自身硬。

另外，歷史科都係十分重要，人類歷史有一樣有趣既事係，好多事情既軌跡，都係重覆地發生緊，只不過佢用一個新既形象去出現，讀得史多，就會知道社會接住落黎會朝住咩方向發展，個趨勢會點樣轉變，政權會點樣交替，影響生活既方方面面。

講講下，好似講到咩都要讀咁。好多人朝住財自既目標邁進，或者黎到英國其實已經即刻財自左 / 有d人最緊要做到自己想做既工作又開心 / 有d人只想打份普通工但開開心心成立自己公司搞大壇野。

點都好，書到用時方恨少係堅，做緊野真係無乜時間可以進修，到你可以進修既時間已經係拖住疲累既身軀，所以呢度學乜都好引到小朋友想學一樣野都係好緊要，種低左呢粒種子之後往後既事情都好辦。