[#276 曼城機場 T1 / T2 /T3 入lounge攻略

上一篇同大家講左AE細頭白金可以上機前免費入lounge，佢最正既位係有埋priority pass會藉送比你。多謝讀者Phil pm筆者補充資料，由於白金卡會送一張附屬卡，而附屬卡又會送一個priority pass會藉，簡單講一家四口都入到。收到Priority Pass信個下，佢仲要寫住priority pass 係可以帶多一個人... 計一計，咁咪即係一個持有ae 細頭白金卡既人，可以帶多兩個人?

黎到英國，有假期飛歐洲玩係非常正路既事，一年一次飛亞洲探親係常理，出入機場係常態。呢度都要講聲，唔好預期英國lounge好犀利好正嘩嘩聲，佢最大既好處係避開外面峰湧既人潮，成家人食住野，包括意粉 / 三文治 / 小量熱食如腸仔、包、雞鎚等，以及飲住咖啡或茶或果汁或啤酒等，輕輕鬆鬆等上機，唔使同人迫就已經高人一等左。筆者早前去米蘭公幹，成個T3 人滿為患，機場設施比較舊，入lounge 係清靜舒服哂。短途歐洲機就更好，因為上機無野食，通常只有一小塊朱古力，上機前係lounge食飽飽，機度訓覺perfect!

今日，當然同大家完全披露曼城機場T1 / T2 / T3 AE白金細頭可以入既lounge以及佢地既位置，希望方便曼城街坊。基本上，有兩個lounge可以入，分別係Aspire Lounge以及Escape Lounge，T1同T2都有，T3就只有Escape Lounge。

============

T1 兩個lounge都係Level 5。

T2 Escape lounge 係level 4，Aspire lounge係level 2。

T3只有Escape Lounge，係level 4。

附上左機場平面圖比大家容易d去到，留言度亦有其他KOL既片睇到入面有乜飲有乜食。

============

你以為只有曼城機場入lounge攻略? 少年，你太年輕了。筆者當然會寫哂所有機場方便大家，下篇係倫敦。

早前放出黎既link expire左，要申請既朋友請pm筆者攞link，希望幫到手外遊從此一開始就享受多一個層次。

#入lounge

#曼城機場

#攻略位置餐飲