top of page
Search

[#28 床褥揀咩軟硬度先至岩? 訓絲漣只需兩三千? ]

訓呢樣野其實係一日入面最重要既事，訓得好自然亦係一生人入面面對既重要課題。投資一張靚床褥唔單止令你訓醒容光煥發，分分鐘皺紋都少幾條，facial都可以做少幾次。

英國呢邊買床褥其實好簡單，去各大床褥品牌網站就會搵到，其中包括港人熟悉既絲漣、靜夢思及ikea床褥等等。英國呢邊出名既牌子亦有Silent Night及德國Emma，有d仲可以比你試訓90日，唔滿意隨時退都得。


話說之前搵到租盤後，雖然個盤聲稱係fully furnished，但d床褥係有血既，仲要勁腍，比你訓唔訓先? (故事傳送門: https://www.facebook.com/Ukmrpr/posts/120952840238940) 無計啦，我地租屋遇著一個不負責任既華人agent搞，中撚哂伏，遲下會出post講租屋既伏野。所以未搬入租盤前已經密鑼緊鼓物色床褥，發覺各大牌子網站郁d都要一星期先送貨，正頭痕之際就搵到原來有兩個網站都幾岩用，分別係mattress next day同埋mattress online，佢地只需貨價+幾鎊就可以兩日送到貨，快過哂其他網站，仲要有香港人識既絲漣供應添。


隨帶一提，絲漣其實係Silent Night牌子公司既一條副線牌子，所以其實係同一間公司黎，於是乎我地就趁mattress next day夏日大減價 (仲有兩日，如果有需要既讀者同朋友要快手) 即刻分別入手左一張Silent Night同一張絲漣床褥，兩張都係firm，夾埋只係港幣5,000蚊，係香港我諗呢個價只係買到一張床褥...


咁係買床褥前，如果有時間記得記得去一轉retail park有床褥試訓既公司門市例如Bensons for Beds試一試佢，起碼你都會對各大牌子既床褥同埋軟硬度有個大概既認知同感受係點，但千祈唔好門市買，通常都貴d，上網買你仲可以用topcashback或者quidco賺返幾鎊回贈，簡單d講即係幫你waive返個運費咁解。

(Topcashback referral link 賺10鎊: https://www.topcashback.co.uk/ref/vfang)

(Quidco referral link 賺10鎊: https://app.quidco.com/raf/H9Rk37qtK4yG9SjW6)


床褥送貨個日d送貨哥哥都幾好，可以免費幫你搬上一層，咁我地當然都羅定汽水同朱古力慰勞哥哥仔，等佢地搬得黎開心，我地又放心，但個送貨時間就好好笑，本身定左朝早930送，但delay左兩獲晏晝5點幾先送黎，呢度既做野方式係凡事不要太認真，認真你就輸了，咁你既日子會好過d。


登登登登! 訓左幾個月既訓後感係咩呢?! 其實佢地所謂既firm都唔係好firm，覺得其實係可以買extra firm (即係最硬個隻)，而係呢度通常買extra firm都係平d ，因為西人訓開soft既床褥，soft既床褥需求高d，但你會係網站睇到好多西人因為長期訓soft床褥都有脊椎 / 背痛問題。


我係香港係訓開金美夢，而家好開心當初船運家當係有ship張床褥過黎，否則係呢度可能好難搵得返，我成日覺得訓覺係好重要，影嚮你成日做事既精神同效率，有一張好既床褥係如有神助! 你諗下你隔離同事烏眉恰睡，你就精神爽利，比你係老細你升邊個先?


而我訓過silent night 同絲漣之後，個人主觀覺得silent night 係正d，絲漣d彈弓好似有小小渣流灘既感覺，有網友就分享德國emma床褥好正，但價錢係我買既一倍，所以就各有各喜好了，我諗等我買左屋之後我都會試買emma床褥黎試下再報告比大家有幾正。







 
 
 

Comments

bottom of page