[#286 iFAST Multi-Currency扣帳卡好使好用! 去旅行輕輕鬆鬆快人一步?! 下篇!]

Sam Fang
May 24
3 min read

話說大家都知筆者早前去左日本玩同賞櫻，去外地旅行當然有張Multi-Currency扣帳卡係最方便啦! 見唔少人都開左戶，今次當然帶埋iFAST張卡實測比大家睇，上篇先同大家講完iFAST多貨幣戶口換匯唱yen，佢既2%扣帳回贈簡直係超吸引，每個月上限可以消費2000鎊，最高可以賺40鎊，可以話係完全抵銷換匯既手續費之餘仲要賺突，Cashback offer仲去到6月30號添! 最最最估唔到既係，除咗個別提款機收費之外，海外提款係唔使收手續費架 ?!

抵達成田機場一落飛機，除左要攞esim同埋買skyliner車飛入市區之外，當然唔少得atm提款攞返少少錢紮袋，買野食或者見到心儀扭蛋，都可以即刻行動埋到去atm撳錢先發現iFAST張卡係免手續費，反而日本銀行個邊提款要收返110 yen 手續費。本地提款機收返小小手續費都好正常，之前筆者去泰國曼谷既atm撳錢，citibank張global wallet扣帳卡都要比220 baht手續費，呢邊7 Bank都叫收得幾順。而iFAST 外地提款竟然唔收手續費都幾驚喜，大家去旅行帶住佢，即時戶口入面唱錢又得，撳錢出黎用又得，堅係輕輕鬆鬆，又快人一步。

就算你唔用佢咁抵既匯率唱錢，係其他平台唱完錢先匯款入去，買野或者餐廳食飯直接用佢張卡 “do” 卡就得，完全免手續費，唔似得信用卡會收你1.5% - 3%交易費。最正係乜? 就係連外地消費扣帳你都可以賺到佢既2%回贈，簡單講黎緊5月同6月如果你都適逢外遊，記得帶住佢碌爆佢賺佢每個月既40鎊回贈!

同日本闊別5年，真係超掛住東京，周圍shopping都買左唔少野，而家諗返每次購物比錢都有回贈賺，開心之餘幫荷包慳唔少其實幾爽! 話時話，筆者留意到日本好多野都變哂電子支付，每間舖頭或者餐廳佢地都係用一式一樣既卡機黎收錢，用扣帳卡 “do” 一 “do”好方便。出門有iFAST張卡傍身，唔使袋住d散紙勁重，亦都唔使驚使唔哂要帶散紙返英國，一卡通行比到peace of mind，行街自然可以輕飄飄、型d又 chok d !~

今次iFAST真係幾有誠意，張卡英國用又得、歐遊用又得、連返鄉下日本都用得，真係幾切合香港人或者成日周圍去既人既需要，特別係佢多貨幣戶口既幣種，對好多人黎講都係經常使用，意味張扣帳卡都可以係呢d地方度用，真心方便。