[#287 加水費藉口?! ]

Sam Fang
May 24
2 min read

講正題之前，回帶兩三年前能源費咪因為俄烏戰爆貴既，個時新聞沸沸揚揚話又通漲又剩又要由澳洲入液態天然氣黎補給供應否則全國頂唔順要爆加價煤氣費啦。

結果好多英國市民含淚貴一貴都要比爆貴煤氣費啦，然後之後個年能源公司公佈盈利，係歷史新高盈利，d能源公司高管賺到盆滿砵滿，唔排除政客都得益，因為都要佢地係議會批淮能源加價先得。

好啦，而家彷彿又開始歷史重演。點解咁講? 近排新聞又開始吹風，今年比往年都好dry呀，水塘d水對比上年得返7成咋，要節約用水呀大眾市民。

尤記得泰晤士水務收皮風波，搞到全國水務公司已經用唔同經營藉口話加價，如果唔加價，要破產云云，結果大家都知啦，唔同county都加左勁多，筆者都加左起碼3成水費，部分county加成4-5成! 而家，陰謀論咁諗，好似又要醞釀社會輿論，"無乜水啦，快d加價啦，等市民節約用水呀" 咁既感覺，但公道講句，"咁又的確係dry左d既。"

Telegraph就有報導，指2050年會缺水架，每年欠缺50億升水咁樣，Hampshire 已經起緊水塘，係1992年後英國首個水塘興建，但幫助黎講係九牛一毛，當局就指其實都建議左全國唔同地方起水塘既，不過未實行咁解。

今年係咪會好似之前有一年咁係某個county制水就未知，但有d可以提供額外食水，而比開水費既人有cover到既設施就無運作，例如東倫敦Beckton 一座價值2.5億鎊既海水化淡已經係第15年無運作。泰晤士水務出埋warning話有機會又要制水。

大家放長雙眼睇睇黎緊又吹乜風黎加水費。