[#288 投資定雞棚?! ]

黎左英國既港人家庭都起碼有廿萬人，而家越黎越多人既情況下，當然各式其適既舖頭都有，網上業務就更加多。

有見而家出現左所謂英國網上投資班之類既資訊，作為過來人，只係想簡單講講，你要投資都要做幾樣野先好行動。

1. 揀交投量大既市場投資，而唔係揀比人可以超容易操縱既市場投資。例如美股同日股，個交投量實在太大，想操控係要海量錢，基本係無乜可能。但第二d市場，例如港股咁，其實根本係一個雞棚，每日仲要有唔同財經演員係度做大戲，人地係涉足市場十幾廿年，你仲茂茂然走入去，初頭你有機會贏架，但長遠去玩其實同自殺無分別。(筆者唔排除呢度有好多有經驗成功人士，只能說聲佩服。)

2. 揀好市場之後，你揀大路野，例如指數、黃金、摸得到睇得見既股例如tesla / 可口可樂，人地陰唔到你。又例如日股，揀東京地鐵，咁多遊客，收入一定爆上去，呢d就穩陣。係要投機取巧，可能貪字得個貧，再講一次，你係同芬佬、交易員鬥，人地玩左幾十年，有哂系統，唔熟既野，你一掂就係掘頭路。

3. 筆者以前都覺得投資可以致富，後來醒覺都要你識揀。唯獨一樣野一定唔會錯，投資自己。見好多讀者朋友都係周身刀張張利，努力裝備自己，考取特別資格，係好事。呢邊稅後3500 - 5000鎊，已經好舒服，一年歐遊三四次，輕輕鬆鬆。

4. 投資唔使博命架，如果你放左舊錢令你食唔安訓唔落，就代表舊錢對你黎講已經太大。

5. 投資都要好多心力同分析，有人投資賺大錢，係智慧同勇氣既表現，唔好覺得好L易。

#咪再玩港股啦

#玩美股日股好好多

#就算你想賣都賣得出