[#289 英國手信]

查實筆者每年都會返香城一次，見部分讀者朋友近期都講有咩帶返香港比親友，就隨手寫左個list，起碼係自己會帶比朋友或者家人既野

1. Lidl Hand Cream - 平平地仿loccitane ，真係潤得黎又香，買比姐妹首選其實佢個仿lush既沖涼液都好好聞同埋潤，筆者攞黎去gym房沖涼用

2. Jo Malone - 都係岩姐妹用，英國買又有cashback，又抵d。

3. La Mer - 舊年買過比太太，質素唔使講頂級啦，最正係又平香城超多。

4. Jakeman既潤喉糖 - 真係好work，筆者仲有一個用途，就係渣車眼訓會攞佢黎食，因為真係好L難食所以特別醒神! 亦都好潤喉。

5. Whittard d茶葉禮盒 - 靚仔黎得又幾好飲，送禮一流。

6. 馬莎 - 開心果朱古力 - 香城大排長龍又限購，買呢個唔貴之餘仲討到朋友歡心!

7. Hotel Chocolate 既朱古力 - 超百搭，想要乜都有乜，望落都非常高貴，價錢都ok。

8. 波衫 - 呢期大熱利物浦 / 熱刺又平d! 香城炒到hihi。

9. 劍橋附近有d好靚既羊毛/cashmere 頸巾，價錢唔係話好貴，但質素又係一流，不過呢個就岩季節先好送。勁多款勁多唔同顏色配搭!!

10. Jellycat 限定款 - 呢期咁紅無理由唔提佢，不過有d朋友係鐘意個體驗，就咁買毛公仔可能無乜驚喜!

你又買過咩比香城朋友或者家人?

Recent Posts