[#29 做博彩業都要DBS Check? 仲有咩行業要check犯罪記錄? ]

話說返左幾日工之後副經理俄羅斯靚女就同我講話想教我多d野，但就要做左dbs check先。

DBS check係乜東東? 佢無直接話我知，但帶左我去我地俗稱既大佬房 (即IT房)，叫我上網登記申請。

一望，原來係類似香港同黑警申請既個D所謂 “良民證”，黎去證明你之前係無犯罪記錄，咁間公司就可以繼續放心聘用你同埋教你有關錢銀既野點handle，因為如果你係老闆你都唔想有犯罪紀錄既人係度做同埋穿櫃筒底。正常黎講，岩岩過得黎，通常個紀錄都係清白既。

咁DBS check一獲要幾錢? 原來要比23鎊，不過唔使自己比，公司會幫你比。而DBS check係一樣政府提供既服務黎，如是者，你只需上佢個網跟住步驟做，download埋DIGIDENTITY app完成護照掃描，跟手返返個網度提供埋其他文件既號碼，例如護照、車牌及NI等，禁埋submit個制就攪掂!

基本上即日入表申請即日有結果，快到連我都有小小唔相信，但個hard copy等政府寄黎就要兩個工作日，佢仲會有份online report比你，其實同hard copy一樣，但變左人地就可以網上好快可以check到你個記錄。

--------- √使唔使提供香港既良民證黎去做某d工作? 唔需要，只需提供英國本地dbs check就ok，除非間公司特別地問起你。

√DBS check原來都有分幾個級別，分別係basic、standard、enhanced及enhanced with barred list，我呢種屬於basic，亦都可能係咁快可以process到既原因。

√check過原來其他行業例如銀行業個d都一定要dbs check。