[#294 非法移民用乜野方法留低?]

英國日日都勁多偷渡小船，其實當局都有表面上做小小野趕走批非法移民，但去到法庭既時候，有時佢地想留低d理由都幾 "創新"。

有個黎自塔吉克斯坦尋求庇護既非法移民近日成功上訴，獲准留係英國，原因係佢話如果被遣返，可能會被逼剃鬚。而剃鬚係會引致嚴重後果。

比著你聽完，係咪會黑人問號?

==========

睇深一層，原來塔吉克斯坦政府雖然無立法，但如果留鬚會有人捉你去剃，過去十年有幾十萬個男人因留鬚被捕，隨即強行剃鬚，目的係防止極端宗教思想蔓延。

英國法庭最初駁回佢既申請，但後來佢上訴成功，法官認為強迫剃鬚屬於迫害行為，唔單只係社會壓力，所以佢有資格獲得國際保護。

呢單野反映，非法移民會利用人權法黎防止被遣返。英國政府正計劃收緊人權法相關門檻，令法官更難去根據《歐洲人權公約》第8條（保障家庭生活權）及第3條（禁止酷刑以及不人道對待）黎批准申請者留低。

Recent Posts