[#297 避稅好途徑 - junior isa! 有小朋友既都應該要玩? ]

坊間成日都話，要贏在起跑線! 查實，你都可以幫你個小朋友做到架!

isa呢壇野，大人每年有2萬鎊，先唔好理財相李蘊晴下年係咪會cut額度，小朋友黎講，每年係有9000鎊可以運用，都係免稅。大家都應該好清楚，亦都可能已經玩到好熟。

junior isa，要小朋友18歲先可以提款，簡單講，你放左入去既錢，係lock away，但你可以控制佢點用，可以每年transfer去唔同銀行收最高息 junior cash isa，目前係4.15%，又或者你都可以放junior stock and share isa，早兩日富時指數先升到歷史高位9千點。

講個有趣數據，而家英國係有1000個小朋友，junior isa入面係有10萬鎊，其中50個，仲要有成20萬鎊...   HMRC 2022-2023年數據，係有成125萬個junior isa戶口，總額有15億鎊，但平均每年入金額只有1220鎊。

假設每年回報5%，你每個月放300鎊，18年黎講小朋友大個就會見到戶口有10萬5千鎊，應該都夠佢地首期，假如通漲無咁癲既話。太多錢無掟放，又有小朋友既話，不妨善用埋呢個渠道避稅。

#小朋友isa 

#每年9000鎊 

#避稅

p.s. 個戶口真係得你小朋友變成16歲就會有話事權可以郁，但要18歲先可以提款，期間作為家長你只可以選擇揀咩戶口滾大佢