[#302 英國搵金融工做乜好? 按揭顧問課程改制黎緊會更馨香?! 護城河惠及所有現時從業員!? ~]

Sam Fang
Aug 15
3 min read

相信今日要同大家講既呢個職業，大家都可能同佢地交過手架啦! 點解? 買過樓或者想查詢按揭既，基本上都會搵佢問下而家市場上最抵deal係乜，務求每個月供最少之餘，仲可以了解埋每間行有咩其他offer，對將來投資係有正面幫助。講到呢度，相信答案都呼之欲出，就係按揭顧問。

早前，曾經同大家講過，單單係今年已經有180萬宗按揭需要renew! 而首置買家方面，政府更加係降低可以借按揭既門檻，年薪有3萬鎊 / 夾埋伴侶係5萬鎊就可以借錢買樓，比原先要求3萬5千鎊 / 夾埋伴侶5萬5千鎊降低左超過14%! 由租租變買買，相信唔少人都會衝，預計首年帶黎額外36000個首置買家按揭需求，往後每年額外惠及10000人，仲未計岩岩英倫銀行減息既利好消息。

需求大左不突止，黎緊仲有一個重磅消息! 成為按揭顧問係必須要讀cemap課程，呢個課程將會係內容涵蓋、考試結構同埋考試型態上作出改動。簡單講，即係考既內容會加入更多compliance內容、新增遺囑信託、遺產稅等財務計劃概念，以及獨立有關ethics既單元，至於考試方面就會注重案例分析及情境應用，考題圍繞模擬客戶情境或道德兩難情景設計，要求考生將監管知識靈活應用，可能需要結合多重概念先答得岩，對比之前以直接知識題為主相對上係深入好多同埋廣泛好多。

入行門檻高左，加上個需求咁樣爆上去，意味住現有既從業員會馨香左，考到入去成為從業員就會有更好既專業護城河，呢行人工都講緊5萬鎊，隨住時間耐左而建立既網絡，基本上收入唔會封頂，只會越做越好。

咁點解要而家講?! 咁點解要而家講?! 咁點解要而家講?! 重要既野真係要講3次。因為黎緊佢9月底前，仲可以有一次既報名機會，比你係出年，即係2026年用舊既考試方式考入去! 以下5類人士請密切注意:

-本身想投身呢行既朋友

-本身了解緊準備報讀課程既朋友

-讀緊準備報考既朋友

-未諗定做咩金融工作但想入行了解有咩市場機會既朋友

-從事藍領想做返白領既朋友

聽下前人既成功經驗，過來人點樣係呢行立足，以及係行業見到既機會，對你整體認知以及自己如何定位會有一個好好既參考作用。

早前已經幫我地讀者搞過三場講座既Antonio，係UK Mortgage Academy既首席課程總監，喺金融銀行界玩左成28年，係CeMAP資格持有人，過往大量實戰經驗，黎緊禮拜六會搞多一場廣東話講座，暑假最後召集，針對考試改動講多d，想入行既朋友真係值得你去聽聽，總有有價值既野你可以袋落袋。當中內容包括:

-按揭顧問前景 - 黎緊下半年同埋出年既市場機會以及行業發展

-按揭顧問薪酬遞升路線圖以及發展方向

-CeMAP 變動同早d讀完考取資格既優勢 – 更高既護城河

-考取CeMAP資格既時間、技巧同埋捷徑，包括past papers

-入左行之後你有既優勢以及將會建立龐大既資源網絡

颱風黑雨特區都要超前部署，你自己既前途無理由懶懶閒，click留言既講座報名連結，一齊聽下勁人點樣教到桃李滿門，幫學生入行以及令你搵到自己係英國既專業定位。