[#304 AI 改變老細請人條件]

其實已經發生緊架啦，只不過而家有更多數據。

以前好多老細請人，第一眼就睇你 CV 底嗰啲 A-level 成績同大學學歷，所謂嘅沙紙，就困住啲冇高學歷嘅人。

但而家因為AI 發展太快，好多傳統嘅「畢業生工種」畀 AI 吞咗，老細開始唔再咁重視你讀咩大學、A-level 幾多 A。佢哋反而要嘅係未來真係做得嚟嘅技能。

回想起英國初期搵工，查實見工個時，真係完全無問過cv d野，筆者懷疑公司直情無睇添，因為睇你講野同思維，其實更有意義。

 LinkedIn 嘅數據話，2021 至 2024 年之間，唔需要學位嘅招聘廣告喺英國升咗 14%。差距縮窄之後，大學生同非大學生嘅人工差距愈嚟愈細。

老細依家鍾意請啲有真實工作經驗、軟實力（例如判斷力、problem solving、領導力） 嘅人，因為呢啲電腦取代唔到。相反，好似 coding、行政呢啲工，AI 反而取代得快。

調查顯示，差唔多 七成僱主 話 entry-level 職位其實 唔一定要學位。即係話，依家後生仔唔一定要上大學，仲可以揀讀短期課程、搞創業，路係多咗既。

不過英國搵工，而家應該唔少人都知，就係入左去先，再申請調職，容易過你直接考入去，當然花既時間會多左。

但有一樣野無可否認，就係成績好既同學，始終可以開既門係多d，而家叻既人已經好努力，唔好講如果你唔叻，唔努力係咩下場。

英國真係多好多唔同選擇，藍領、創業、家庭生意、onlyfan，太多渠道可以發光發亮，要係自己領域做起左，先會有人睇得起，打鐵還需自身硬。

#你準備好未

#改變緊世界

#視野擴闊d

附圖講緊英國大學生係大學讀緊咩科，以及歐洲失業率，可以望下。