[#310 永居大直路] (長文講解~)

Sam Fang
Sep 27, 2025
5 min read

改革黨早兩日轉軚，工黨仲有4年，議會辯論獲跨黨派支持，等埋工黨政府年尾議會咨詢， BNO Visa既移英港人而家距離永居申請已經係大直路最後100米。😄

唔少家庭都已經依照前人成功既道路，開始執緊ILR既文件清單，以便出年2月開始就可以正式申請永居。筆者今次有幸邀請到成功幫過數百個家庭取得英國永居及入藉既UK Majesty 移民專家Anson，黎講下ILR 有乜野要特別留意，細節位都搞掂埋，申請自然無往而不利。😇

跟住前人成功經驗，永遠係最容易取得成功既捷徑。以下就用問答方式刊出筆者同佢地訪問既十問十答，等大家參考下。😎

熱身問題:

1. 幾時係第一批BNO Visa移英港人正式申請永居既日子? 係咪住夠5年就可以申請?

答: BNO Visa 由2021年1月底開始開放申請，第一批既申請大軍將會係2026年既2-3月份。可以開始申請日期並非住夠5年後，而係住夠5年之前28日，就可以入紙申請，例如A君係2021年4月1日批BNO Visa，居住英國5年期間任何12個月內沒有離開英國超過180日，佢就可以係2026年3月3日開始申請。🧐

2. LOTR既在英居住時間，是否計算落BNO Visa五年在英居住既條件入面?

答: LOTR 既在英居留期間並不會計算在內。😉

3. 申請永居需要證明自身財務狀況嗎?

答: 唔需要。😉

正式問題:

4. 有讀者詢問BNO Visa 批刻日期較佢入境日期早2個月，申請永居時是否需要提供到埗機票及住宿等證明? 部分其他讀者同屋企人Visa批出時間唔同，兩者日期相隔多過3個月，呢d情況又應該點做? (永居規定英國居住期間任何12個月不可離開超過180日) 係咪代表無問題?

答: BNO Visa 批刻日期較佢入境日期早2個月，呢個情況係無問題，只要任何12個月內無離開英國超過180日，就符合永居條件。申請永居網上填表時，該兩個月屬於離開英國日期，照樣填寫即可，夾付到埗機票日期就大功告成。

若果因為特別事情，離開日期超過180日，但日數少於一個月，就有機會可以同內政部溝通，例如屋企人入院手術或睇醫生或參加喪禮等，比返相關證據或報告，有比較大機會可以酌情處理。日數多過一個月既話就要靠全面的證據去支持你有關說法，先會獲批。🙂

5. 子女申請永居是否必須等父母都已經成功申請先可以入表? 假如子女同父母係同一日批BNO Visa，是否可以在處理完父母既申請後同一日入紙申請永居呢? 假如子女既BNO Visa批刻日期較父母遲1個月/ 3個月 / 6個月以上，呢d情況又點樣解決呢?

答: 如果同子女係同一日批BNO Visa既話，正常都係同一日入紙申請ILR，係入完父母之後就可以入子女。如果子女Visa既情況係遲1個月以上既話，係咪就打定輸數要續visa? 原來又未必，過往Anson 都有成功申請既案例，至於具體情況係點樣申請同處理，可以問下佢地，技術上可以補救到。至於多3個月既情況就通常需要續簽visa，待逗留時間符合要求先可以申請永居。

6. 子女未滿18歲有d咩文件需要準備? 早前聽人講需要出世紙 / nhs / 學校信件 / 在學證明以及住址證明等，仲有邊類型文件可以證明子女既在英生活? 🤔

答: 子女申請永居既文件通常較成年人少，準備文件方面要求出世紙、NHS信件、學校信件、向學校要求一份在學證明以及住址證明就足夠。

7. 如果父母離婚，是否有離婚證書就任何一方都可以幫子女申請永居? 如果答案係否，其中一方既家長需要咩條件先可以幫子女申請永居? 需時幾耐去搞呢類文件?

答: 如果父母離婚，正常照顧小朋友一方。需要向UKVI proof 自己有小朋友既Sole responsibility，先可以幫子女申請永居。離左婚攞左法庭既final order，而又決定共同撫養，申請永居係好棘手，Anson形容，移民官係審批文件既時候，其實係有一份清單去剔，呢一項剔唔到，就會先放你份申請係側邊。因為情況比較複雜，以及每個人既情況唔同，詳細可以按你自己情況問下Anson應該點做，趁仲有時間提前準備好。

8. 早前在英出軌既兩公婆，因為攞刀爭執而被警戒及上庭，請問呢類情況申請是否一定不獲批? 有無酌情權? 有咩條件可以繼續申請永居而又高機率成功呢?

答: 呢D情況通常分幾種，有分 binding order守行為、conditional discharge、有罪罰款、以及有non-custodial sentence、custodial sentence 。前者情況較輕微，後者則較為嚴重，正常犯案性質輕微就仲有機會，蓄意傷人或者笠架撐隊人，呢d情況就真係忟水d。Anson過往曾經處理過相關既永居個案。但若判刑多過12個月，一般移民官都會否決申請。如果有讀者係有呢類情況，可以再問下 Anson。

9. 成年申請人在英居留期間曾有違泊及超速交罰款紀錄，呢D情況如何處理? 是否需要一一如實上報及保留相關文件作證明?

答: 對。請保留所有紀錄，在申請ILR時如實上報所有fixed penalty notice (FPN)。如果唔知自己有乜野紀錄，可以去返ACRO既subject access request申請睇返紀錄，費用全免，但需時一個月時間處理。

10. 成年申請人在申請BNO Visa前已留有輕微罪案案底，但已過了一定年期可以自稱無犯過事，當時忘記上報，請問永居是否不需要報? 是否要視乎申請人既案底係乜野?

答: 任何案底，無論係過左時效，抑或未過，均需要上報。若案底唔記得上報，需視乎案底既性質及嚴重程度，向內政部補交資料。Anson處理過相關過案，通常補交資料前會做一份due diligence，睇下你個案情況係點，而去決定點樣補交，或其他處理方法。

=====================

知道大家可能仲有其他疑問，而申請永居的確有好多野以及文件準備，加上個別讀者可能有唔同既情況，歡迎去搵Anson問下，因為佢地會有20分鐘免費咨詢，希望解答到大家既疑難。😉

老規矩: 筆者係留言度有份form，你地填資料後Anson 會兩個工作天內回覆。