top of page
Search

[#312 英國申請退返比多左既印花稅原來好easy? ] (長文講解~)

黎左英國四年幾，見唔少過黎既家庭都係度安居樂業，查實真係好開心，因為通常settle down左，就會開始專注搞其他野，包括自己擅長做既事，呢個亦都係點解越黎越多移英港人係度開舖頭提供唔同服務，令到過左黎既朋友都方便左唔少。 (特別係野食 )


早前成功訪問左一個移民顧問同大家分享黎緊永居申請有乜野要注意，今個星期都唔例外又有重磅野，而且特別適用已經買左屋既朋友 / 計劃買屋既朋友。筆者有幸邀請到幫過200個家庭攞返比多左印花稅既Eric，分享下最常見5大類，屬於比多左印花稅而又可以問英政府申領返退款既情況，睇下大家今日係咪可以執返幾皮野放入褲袋，增值增值  Eric 係 Lee Consultant 既英國物業印花稅顧問及FCA持牌按揭顧問。


咁呢5類人係咩人呢咁? 以下用問答方式等大家容易d睇  (你睇筆者幾貼心 )


1. 第一大類最常見可以申領返印花稅係咩人?

答: 係嚟咗英國未夠183日就買樓，又或者係海外隔山買牛，然後黎左英國既朋友，買入英國物業之後一年內住夠左183日，就可以申請返樓價2% refund! 如果30萬鎊計，都可以攞返6000鎊 ，夠打好多餐肥牛邊爐 呢個屬於 “海外買家” 概念，所以有得退~ 需時最快1個月就攞到錢~

但要注意，申請限期係 “買入英國物業之後兩年之內申請，否則就叫過左期。過左期就要引用Finance Act同逾期申請程序先同當局申請到。


2. 第二大類又係咩人?

答: 買英國樓個陣，仲hold住香港層樓，搞到要比屬於2nd home既額外印花稅大拿拿5%。但原來你3年內賣走返香港層樓，係可以退返樓價5% 印花稅  如果30萬鎊計，可以攞返15000鎊! 呢個屬於 “更換自住物業” 概念，所以有得退~ 又係最快1個月就攞到錢!!

但有一個重點，係你做完買賣一年內好搞啦，如果唔係又屬於過期申請，要引用Finance Act同逾期申請程序先同當局申請到。


另外，如果之前賣出左自己嘅香港自住物業或者放棄租用左超過七年嘅前物業，但係因為買英國物業個陣時，擁有其他嘅投資物業，所以俾左額外印花稅，咁嘅情況之下都可以退返樓價5% 印花稅。


3. 第三類又點呢?

答: 兩公婆隔山買牛係英國買左樓，但玩太空人計劃，得老公 / 老婆過左黎英國先，原來唔使等兩公婆都到哂，都可以申請退返比多左既印花稅。2%，幾千鎊! 又袋返落袋!


4. 英國咁多濕9律師，筆者初頭都身受其害，知道唔少家庭都因為律師解釋得唔清楚比多左印花稅，明明係首次置業又無計首次置業優惠，明明無第二間樓，又俾多咗額外物業印花稅 ，仲claim 唔claim到?

答: 當然claim到啦。(筆者追問: 可唔可以claim埋情感傷害? )


5. 目前無自住物業，想買英國自住物業但係又有其他物業又點計呢?

答: 如果之前曾經賣出香港既自住物業，或者放棄咗租住超過七年既物業，將來你係英國買自住物業，即使名下仲有其他物業都好，將來係有機會可以退返額外物業印花稅。


如果先買出租物業，再買自住物業，有d情況兩間屋都可以唔使畀額外印花稅。不過呢d情況比較複雜，而且每個人情況有d出入，建議搵Eric問下好d。


=====================

過往唔少家庭就係屬於上述既情況，變左可以攞返幾皮野紮袋。而家仲有2個月就聖誕，如果你又屬於上述情況，可以申請返，咁聖誕就肥仔水啦


知道大家可能仲有其他疑問，而印花稅呢d野有時係會有多d問題，加上個別讀者可能有唔同既情況，歡迎去搵Eric問下，希望解答到大家呢方面既疑問。


老規矩: 筆者係留言度有份form，你地填資料後Eric 會兩個工作天內回覆。



如果今次係幫到大家了解多左而又反應好既，同上次永居篇文一樣，筆者當然會叫佢再講多d啦，可能下集可以講下其他印花稅申請取回既情況，以及作為按揭顧問有咩橋妙野可以分享下~




ree

 
 
 

Comments

bottom of page