[#315 歐洲都有有錢佬避稅天堂? ]

之前講過revolut老細遷冊阿聯酉，除左中東杜拜呢d地方，查實都有唔少其他富豪係去左米蘭，點解?

事關呢幾年意大利政府推咗個外國富豪統一稅制吸金（flat tax）: 簡單講即係唔使再交複雜嘅海外收入稅，只需要每年畀 20萬歐羅（大概17萬4千鎊）就得，呢度可能叫佢過路費 / 保護費大家就易理解。

至今，呢個優惠令好多英國、瑞士同法國嘅有錢佬都湧去住。白頭佬政府收緊富人稅制，連倫敦啲對沖基金、家族辦公室、基金經理都開始「走佬」，齊齊搬去米蘭，呢個搬走情況有少少似某法成立後，外資離開香城走左去新加坡一樣。

人壽保險Utmost Group既財經顧問 Marc Acheson 話，雖然2024年已經有大量出走case，但都只係第一波，佢覺得應該會有三波移民潮:

第一波係趕喺英國新稅制生效前走佬，避開遺產稅。

第二波係打算再留幾年先走，等仔女完成學業，之後全家搬過去。

​第三波係仲留喺英國，但已經開始睇定地方，打算長遠避稅。

===============

 米蘭地產澎澎聲

蘇富比地產話，米蘭既 Brera 布雷拉區變咗新「Mayfair」——多左好多私募基金、律師樓同埋家族辦公室。 (筆者按: 唔係個d杜拜提子家族啊咪搞錯)

高級樓價由2017年升咗五成，依家係全歐洲最貴城市之一。但就形容英國人嚟睇樓時嚇親:「冇露台、冇花園、冇開放式廚房，仲要貴過倫敦！」

所以有d家庭最後搬去Lake Maggiore、Lake Como嗰啲近郊湖區。

------------------

食住條水而家有咩變化呢咁?

好多野有一條龍服務，包括酒店、會所、學校。

例如:

Rocco Forte 集團開咗高級長住酒店，幫客人租樓、買樓、搵司機、買餸，連裁縫都可以上門。

Casa Cipriani、Wilde Club 呢啲倫敦式私人會所相繼開業，每年會費過萬歐。

國際學校都full full 地：St Louis School 學生人數升3倍，Lake Como 校舍都要擴建。

放學時間：當然有林寶、法拉利、蓮花接送。

 律師樓、稅務顧問都去左分一杯羹:

英國、瑞士律師樓開米蘭分部，例如 Charles Russell Speechlys 同 Withers，「客戶搬嚟後，唔止做稅務，仲會投資、開公司、買地、買酒莊、甚至入股足球會。」

-------------------

除左避稅，有錢佬都想融入，佢地係仲會捐錢俾博物館、學意大利文、投資本地企業。

仲有樣野都好正，就係雖然2024年個flat tax由 10萬歐 加到 20萬歐，但唔追溯舊既申請人士，加上意大利左右兩派政府都無意取消，令政策信心十足。(牙齒當金使，唔似某黨玩10+1)

意大利依家成功搶走咗瑞士、西班牙、希臘啲有錢佬，如果英國11月財政預算再加稅，米蘭啲香檳同Prosecco應該又要開多幾支。

#奇兵突出

#米蘭唔止買名牌

#有錢佬走佬地點

#好chill