[#318 名為捐精實則性交? ]

Sam Fang
Nov 1
2 min read

唔知大家有無留意到，係英國呢邊有d捐精群粗，聲稱可以免費提供精子，比想做阿媽既女人。

例如有啲男人喺 Facebook 群組「Sperm Donors UK」出 post，寫住：「我 31 歲，前軍人，打過職業欖球」、「六呎高，深啡頭髮，啡眼」、「每星期去三次 gym，好健康」。聽落似交友 app 簡介，但其實佢哋唔係搵拖拍，而係公開提供自己嘅精子。

個群組有成超過 17,500 個會員，仲有好多類似嘅 online group，俾想懷孕嘅女人或者伴侶上去揀捐精人。不過，魔鬼在細節，有d其實幾詭異。有啲人話自己係出於善心捐精，幫人圓夢；但亦有啲講明「免費精子，不過要用性交方式提供」。成個感覺似係生育交易市場，一買一賣私人野都光天白日講。

照常理係英國嘅合法捐精係要經過 HFEA（人類受精及胚胎管理局）監管，捐精者要做大量健康檢查，例如傳染病（好似 HIV）同基因病（例如囊腫性纖維化）等等。精液仲要隔離儲半年，再檢查都無病先可以用。捐精者亦要經輔導，了解法律同情感上嘅影響——例如小朋友去到18 歲，可以查到佢嘅身世。

相反，喺 Facebook 搵捐精就無呢啲保障，無健康檢查、無法律文件、無心理評估。HFEA 警告，呢類非正規捐精安排有機會引發剝削、傳染病風險同法律糾紛。

有一單野都幾出名，2016 年個陣有個叫 Simon Watson 嘅男人喺 BBC 節目話自己 16 年內幫人捐精生咗 800 個細路。「黑市捐精」真係係外國幾興架。呢排英國有個新 App 叫 The Y Factor，就好似交友軟件咁，捐精者同想生仔嘅人可以開 profile、up相、寫年齡、地區、甚至揀「自然方式」定「人工授精」。 7成捐精者話免費提供，4成接受者願意俾錢（通常 £50 至 £100 當交通費）。

對好多女性嚟講，呢啲平台係一個幾實際嘅選擇，因為正式診所貴又要等好耐。人工授精一次大約 £1,500，試幾次都未必一定得，NHS 免費名額都係有限既。

有啲想要免費精子既女仔話，喺 Facebook 群組啲人「都幾癲成日想扑野」，好唔舒服；反而用 App 感覺安全啲，因為有身分驗證、封鎖功能、健康資訊等等。

有法務人員就指喺非正規途徑捐精，男方有機會被視為小朋友嘅合法父親，女方亦有機會俾對方爭撫養權。不過，The Y Factor 嘅創辦人就話，現行法律太舊，只係保障「傳統家庭」，對單親或者共同育兒家庭好唔公平。

Facebook 講乜呢? 話會調查呢啲捐精群組，佢哋政策上雖然容許「捐贈人類液體」，但禁止買賣。

但而家世代有d幾奇怪既觀念，有d人想做阿媽，但唔想靠男人去實現。」其實都幾矛盾架，不過百貨應百客，有咁既需求，亦都有咁既solution存在。