[#319 食火腿都記得要揀下? ]

平時大家可能會整三文治比小朋友帶返學食? 但大家都知火腿其實係加工野，含有亞硝酸鹽（nitrites），劍橋大學有醫學研究就話同大腸癌有關，每年英國估計有5千幾宗腸癌同食加工肉有關，亦會增加提高患上2型糖尿病嘅風險。

份報告指每日食大概50克加工肉（大概兩大片火腿），十年內患糖尿病風險會增加15%。亞硝酸鹽主要用嚟延長保鮮、提升味道同保持粉紅色（如果唔加就會變灰色）。

亞硝酸鹽有機會傷害胰臟分泌胰島素嘅細胞，令身體變得更抗胰島素 ，增加2型糖尿病風險，加上加工肉本身鹽分同飽和脂肪都高，更加唔健康咁話。

咁食乜好呢? 以下係一d替代品。

薄切火腿（wafer thin）- 肉含量高啲，脂肪少啲，但仍有亞硝酸鹽。

意式風乾火腿（Parma ham）- 無亞硝酸鹽，淨係用鹽醃。

熟食店切火腿（butcher’s ham）- 加工最少，直接切比你，有啲可能只係用鹽醃，最好問一問更穩陣。

--------------------

不過講真，又好難真係完全避開，最緊要都係均衡飲食，有原型肉類就儘量揀，加工野儘量少掂就最好。聽講dodo姐係完全唔掂加工野

你又有無每日食火腿?

#火腿

#亞硝酸鹽

#體重管理對健康更重要