top of page
Search

[#322 永居大直路 – 第二篇] (長文講解~)

話說，上次訪問英君移民顧問有關永居既一d問題，反應超熱烈，事關真係有唔少家庭積極準備緊文件，都叫幫到手; 亦有好多讀者問左佢地心入面個句而得到確實既解答，結果疑慮可以掃清之餘，又可以自己申請，實在太開心。


於是乎，筆者膽粗粗，問下英君移民顧問Anson，可否引用更多成功例子同個案，解答比較多人問既問題，結果當然係正面啦，亦都係點解今次可以寫到第二篇既原因。


都係個句，跟住前人成功經驗，永遠係最容易取得成功既捷徑。唔再廢話，以下就用問答方式刊出Anson再開金口既十問十答，等大家參考下。


-----------------------

熱身問題:

1. 未滿18歲既子女dependant 申請永居，係咪要等父母都已經成功申請先可以入表?

答: 無錯，以一個家庭黎講，子女均需要等父母都已經入左表，先可以入表申請  除非屬於離婚個案，其中一方父母就可以帶住子女，以及法庭既離婚final order與sole responsibility，申請永居。


2. 已經滿18歲既子女申請永居，係咪都要等父母都已經成功申請先可以入表?

答: 不需要。滿18歲既子女dependant，可以自己申請永居，不需要等父母申請。


3. 申請黎英國小朋友因為搬屋轉過幾間學校，係咪要問哂佢地攞在學證明? 提前幾多問最好? 佢地搞幾耐架通常?

答: 無錯! 正常d文件你預起碼一個月時間比學校搞比較好，大家申請永居前2個月問定就差唔多。

----------------------

正式問題:

4. 父母其中一方以及子女都住夠5年，係咪只有離婚以及取得撫養權，咁先可以父母其中一方帶同子女申請? 因為現實太多太空人情況，呢條問題可以比太空人家庭參考。

答: 根據過往成功申請永居個案經驗，如果父母其中一方係返左香港，或者去左第二度唔係英國，呢d情況都係比較容易證明到sole responsibility，而去申請永居。

但如果父母分開左，但雙方都仲係英國，又大家都共同撫養，咁既情況比較難證明sole responsibility，子女會申請唔到永居。 Anson指，要透過向不同人士要求撰寫證明文件等等技術處理再外加一封cover letter，先可以證明sole responsibility，而且難度唔低。

所以，大家如果仲有 1 - 2年就申請永居，不妨維繫下感情先，有咩等搞掂永居先再決定不遲，否則幫子女申請永居會好麻煩，或者甚至乎子女要行住夠10年先申請永居既路線。


5. 英國離婚要20星期冷靜期後先可以申請conditional order，然後再等6星期先可以申請final order。咁如果一般情況大家和平分開，取得撫養權要搞幾耐? 法庭需要幾長時間先可以批出文件?

答: [更新: 咨詢左英君律師團隊意見，牽涉到離婚情況較複雜，每個人情況不同，建議咨詢後再就個人情況比意見較好，避免跌入法律陷阱 / 指控 / 攻擊 ]


6. 有個案例係一家四口，太太自己BNO獨立申請BNO Visa，先生就自己BNO Visa申請帶同兩個小朋友dependant，呢個情況係點樣申請永居呢?

答: 由於內政部係會睇埋結婚證書等等既文件，即使父母係個別獨立申請BNO Visa，子女仍需要等父母入左紙申請永居後，先可以入紙申請永居。

因此，如果父母既BNO Visa到期日係有所不同，其中一方父母到期先既話就先申請永居，另一方就可能要連同子女續簽visa，等住夠5年先申請永居。雖然係咁，你係可以因為咁而申請IHS費用退費，而呢個費用都唔少，亦係以半年為一個單位，即係假設你仲有7個月簽證到期，就仲退到錢，假如得返5個月，就退唔到。如果你屬於呢個情況，可以搵Anson幫你計下數攞返屬於自己既錢。


7. 成年受養人使唔使好似子女咁，要等埋主申請人成功申請先可以入表?

答: 無錯，就好似子女一樣，成年受養人係需要等主申請人入紙申請永居後先可以入表。早前，移英香港人社區流傳一則消息話一名成年受養人自己外遊去玩又自己返英國，比入境職員“的” 左入房問話，仲話會撤銷BNO Visa，Anson 質疑事件既可信性。因為係佢過往處理既幾百宗成功案例入面，成年受養人都有自己去玩既例子，但並無收到相關既求助請求個案。


8. 如果成年受養人住夠5年，主申請人未住夠，咁兩者係咪都要一齊續簽visa，等主申請人住夠先可以一齊申請? 有咩情況可以例外? 兩者相隔1個月係咪可以技術處理?

答: 係。相隔一個月係可以技術處理到。

討論呢個問題既時候，Anson亦補充，過往都有個案係臨永居前，幫成年受養人申請Visa，因為一旦你永居左，再幫成年受養人申請Visa係十分困難。

大家想像下印度 / 巴基斯坦有幾多成年受養人，睇數據佢地夾埋有170萬人係英國，永居左再申請成年受養人，咪再多340萬人過黎? 所以如果你有計劃係帶埋長者過黎既，就記得永居前幫父母申請BNO Visa。


9. 申請永居英文要求 – 係人都知要B1英文試通過左先得，但考左英國公開試既朋友，好似GCSE以及A-Level，可唔可以替代B1成績呢? 要取得咩成績先得呢?

答: 要GCSE Grade 4或以上既成績，先等同B1資格。仲有一樣條件係個成績要係18歲以前考返黎既Grade 4成績。18歲或以上考到GCSE grade 4既成績，並不可以當做B1，呢點大家要留意。


10. 成年申請人在交通違例 - 有讀者問如果超速違泊被叫去上堂取代扣分，呢d情況應該如何上報? 係咪叫做破財擋災，以免留低壞紀錄?

答: 網上填寫永居申請表時，可以用ACRO既紀錄交代返扣左幾多分，除非非常嚴重，否則正常係配以cover letter解釋事件，深表悔意，以後注意小心，通常就已經ok。 (ACRO subject access 係免費可以申請，上次已經講過，但大家記得要預留一個月時間比ACRO個邊去處理)


11. 有案低人士，如曾經監禁少於12個月但又同 傷人案 / 詐騙案 / 暴力案 有關，係咪好大機會唔批? 你地經驗係點?

答: 正常都可以照批，但複雜程度不同。要睇時間及有無係英國又有案底。輕微藏毒以及盜竊算係較低級別案件，稍為困難既類別係刑事恐嚇及詐騙案，更加難處理既係暴力案，以往Anson處理過都有成功申請永居案例。


12. 申請永居快證限額有幾多? 點先可以成功搶到? 係咪每日都會有quota可以搶?

答: Anson 指搶永居快證猶如搶iphone一樣，真係要眼明手快，佢地平均每日都搶到一d配額，到時大家可以試下，分享下感受似唔似搶iphone 咁難 。 至於quota方面，無明確數字可以講到。

=====================


知道大家可能仲有其他疑問，而申請永居的確有好多野以及文件準備，加上個別讀者可能有唔同既情況，歡迎去搵Anson問下，因為佢地會有20分鐘免費咨詢，希望解答到大家既疑難。


老規矩: 筆者係留言度有份form，你地填資料後Anson 會兩個工作天內回覆。



如果今次係令大家了解多左而又反應好既，筆者會再接再厲，再問多少少寫第三篇，等大家可以儘量自己申請~! 真係有困難既朋友亦都可以搵Anson 問下~ 


由於筆者已經玩左個系統幾次，之後會拍片比大家睇係點填表，同埋d注意位係邊度，請大家支持同密切留意。


ree

表格在此:


 
 
 

Comments

bottom of page