[#324 英國最正既大型連鎖酒店? ]

英國d酒店，企唔企理，性價比高唔高，大家心中有數，舊年出過post大家分享過經驗，平均超過90鎊一晚既，先叫做企理乾淨d野standard少少。

最新Which? 就公佈最好同最差既大型連鎖酒店比大家參考下，冬天出行，或者下年諗住去湖區 / 峰區 / 愛丁堡 / 蘇格蘭既朋友，不妨望下~

個訪問係有成6000人參與架，個data size都唔細，受訪嘅住客要幫酒店喺幾個項目打分，包括清潔度、客戶服務、早餐質素、床鋪舒適度同性價比，每項以五星為滿分。

酒店集團Coaching Inn Group竟然排咗第一，應該無乜人知呢個名，佢擊敗咗萬豪（Marriott）同希爾頓（Hilton）呢d大brand；而J D Wetherspoon大家樂酒店就取代咗Premier Inn，成為《Which?》性價比最高嘅酒店品牌。《Which? Travel》編輯話，英國酒店平均價格係貴左。

Coaching Inn Group既房平均要£128一晚，都唔算平。但佢喺客服同**「描述同現實一致」**兩項都攞咗滿分。

排第二嘅係Intercontinental（洲際酒店），得分80%，但因為平均房價超過£300一晚，被批評性價比低，只係得兩星。

如果預算有限，J D Wetherspoon大家樂酒店都係個唔錯既選擇，佢得分76%，平均一晚£70，雖然比第一名低4%，但慳咗成£230。(大家唔好以為佢cheap ，其實d房都企理乾淨)

榜尾就依然係Britannia Hotels，已經連續第12年包尾。佢只得44%顧客滿意度，房間同浴室質素仲淨係攞到1星。(呢間好明顯一個字: 平! )

=============

小型酒店方面，Andrew Brownsword旗下12間酒店排第一，平均每晚£272，地點多數係莊園或者古堡。同樣排第一嘅仲有英格蘭西南部嘅Brend Hotels，平少少，每晚£244。想有特別體驗既朋友可以揀呢d試下，筆者經驗都係細酒店服務好d，親切感高d。

你又鐘意邊間多d? 不妨留言分享下你既體驗，等其他讀者都唔好中伏~

#連鎖酒店

#英國酒店

#排名

#滿意度

#評分

#睇圖有排行榜

查實hotel indigo既裝修筆者都鐘意，佢又唔太貴，整體都係舒服乾淨企理有質感。