[#336 雙重國藉人士入英國要用英國護照]

英國政府更新咗入境規定，持有英國雙重國籍嘅人士，由2 月底開始，入境英國時只可以用有效嘅英國護照，唔可以再用另一個國籍嘅護照入境。

即係話，任何英國公民如果返英國時冇出示英國護照，或者冇「居留權證明書」（Certificate of Entitlement），都有可能被拒絕入境。

呢啲改動適用於所有身處海外嘅英國及愛爾蘭雙重國籍人士，係內政部推行電子旅遊授權（ETA）制度嘅一部分，目的係加強邊境安全。(查實可能係想cap 水 ，因為d人要申請返英國護照比錢)

-----------------------------

目前英國對雙重國籍護照嘅規定係點？

英國承認雙重國籍，容許一個人同時持有英國國籍同其他國家護照，而唔會影響佢嘅權利。

以往其實冇硬性規定英國公民一定要用英國護照入境。

所以，好多雙重國籍人士——特別係持有免簽證國家（例如澳洲、加拿大、歐盟國家）護照嘅人——一直都可以用非英國護照返英國。

如果邊境人員查問，旅客通常可以用以下文件證明自己係英國公民：

-過期嘅英國護照

-入籍證書

-居留權證明文件

-另外，**居留權證明書（Certificate of Entitlement）**亦可以用嚟證明有權喺英國居住。

---------------------------------

新規定有咩改變？

由2 月 25 號起，ETA 制度全面實施後，大部分來自免簽證國家嘅旅客，出發前都要申請電子旅遊授權：

-收費大約 £16

-有效期 兩年，或者直到護照到期為止

雖然英國同愛爾蘭公民（包括雙重國籍人士）仍然豁免 ETA，

但佢哋 將唔可以再用非英國護照入境英國。之後入境只可以用：

-有效英國護照

-有效愛爾蘭護照（如適用）

-或者 居留權證明書

居留權證明書：

喺英國或愛爾蘭以外地方申請：£589

每次換新護照都要重新申請

護照費用方面：

英國成人護照：£94.50

愛爾蘭護照：€75

如果冇齊所需文件，旅客可能會：

-被要求接受額外邊境檢查

-用唔到 e-gate

-甚至被航空公司拒絕登機（因為航空公司有機會被罰款）

總結：

呢啲改動唔會影響英國國籍本身嘅權利——英國公民依然有自動入境權。但證明你身份嘅文件要求變得嚴格d。

#雙重國藉人士

#大家都係