top of page
Search

[#5 廁所好似高得濟?]









男人黎到英國有呢個遭遇，唔知會唔會恨自己細個無食多d鈣片?


話說今日同Vivian及肥蕎黎到Trafford Centre行個轉，shopping下了解下呢個叫做比較繁華既曼城大型商場，呢度其實同香港時代及Sogo無乜分別，勁多野買，有排哂隊既珍珠奶茶同果汁檔，又有港人鐘意既A&F/Victoria Secret/Hollister等等，仲可以駁去隔離商場Barton Square有個水族館同Legoland，大人細佬都岩玩。


Trafford Centre中間有個圓形既位置係巨型food court，你想食既nandos/意大利餐廳/亞洲美味包括泰國菜、壽司都一應俱全，如果你敢食佢個d所謂壽司既話係無問題的XDD，而我都係食返地道野 – Five Guys 漢堡包汽水係最好食 XD。


飲飽食醉之際，要去返個toilet，呀唔係，呢度係文雅d架，要講去washroom，入到去，EEEEEE… 點解D尿兜好似咁高既 XDDDD 其實平時見D英國男人通常都好高大，都有一米七或一米八，自己就一碌柒 (1.67m)，去普通洗手間D尿兜係完全無問題，呢度係稍為高多小小，我覺得如果我係1米5既話會好老尷，你諗下，無理由渣住支槍向上射架麻...，會有機會彈到自己，我突然諗起namco同冒險樂園個d水槍game唔知個靈感係咪呢度黎... 由於係washroom既關係拍唔到片，如果唔係都想影實境比大家睇一齊笑下 XDD。


其實都仲有第二個選擇既，就係入廁格，不過好少男人入廁格係真既，哈哈，之後同Vivian share返佢都笑左一輪，個toilet其實都幾靚架，有歐洲文藝復興既設計，媲美到澳門個d靚酒店，咁當然澳門靚好多。


Trafford centre 附近仲有人造滑雪場同埋大型小朋友遊樂場，最正係有一個用恐龍做主題既minigolf場，現場有勁多大人細佬都玩緊。 如果想假日有節目黎呢度就岩哂! 我地都諗緊要快d黎呢度打返場golf同滑返個雪!


 
 
 

Comments

bottom of page