[#78 英國本地搬屋係非洲人強項?! 報價相對平d仲好helpful? 終於搬完屋實在太開心。但幾時先拆得哂d箱? ]

話說之前同大家分享係香港運家當黎英國既post反應超熱烈，因為有好多苦主有箱爛左或者唔見左，所以大家都有嚴選睇下邊間先穩陣。筆者超好彩，雖然幫我海運既公司唔係話成日應到機，但超感恩所有野無穿無爛，電視都正常，令到我租屋呢一年都唔使額外再買電視用。

海運post運家當傳送門: [#35 船運家當終於到達英國之有d咩我係最掛住?有d乜野係必須要帶黎uk?!] https://www.facebook.com/Ukmrpr/posts/138299011837656

好啦，咁本地搬屋又點呢?! 搬屋相信係好多人既惡夢黎，你知啦，作為二等公民好慘架麻，知道自己搬大左，住大左，心情即刻超差，成日都唔知d野擺係邊，我地兩公婆最常見就係搵唔到電話: 究竟我地放左個電話係邊度? 最唔開心係阿囡，成日有得周圍跑，無得屈係以前香港個100呎廳度。某個國家既金融城市而家真係好幸福，lockdown仲未解除。

黎左租屋一年買落既野連埋家當40箱野，都咪話唔少野，所以我都即時課比3家報下本地搬屋既價錢。

我間屋同租個度大概30分鐘車程，我揀左1樓搬去1樓，兩個helper，即係自己唔使搬個隻，佢仲offer 一個位可以比你坐佢架車跟住d家當，總共租佢既時間係兩個半鐘，網上報普遍都係260鎊至300鎊不等。

我問左公司d同事佢地都普遍話貴，但我其實已經搵多左一兩間報，發覺都係呢個價錢左右，於是都認命開始揀。至於自己搵左咩網站報? 不外乎都係

1. man and van

2. 有個曼城香港人係群組話買左架大貨van，所以都想幫襯返香港人 (唔開名了)

3. 一d搬屋removal既網站，會有人打電話黎問東問西再報價

價錢如下:

1. 260鎊 = 兩個helper + 大貨車 (非洲人公司)

2. 260 鎊 = 司機自己+貨van (香港人公司)

3. 290鎊 = 兩個helper + 貨van (英國本地鬼佬公司)

本身想幫襯返香港人，但無理由有個平d報價自己唔使搬唔揀，揀個自己要搬仲要架車未必裝得哂自己既家當，於是乎唔信邪再報多一個平台叫 Compare the man and van，好surprise地竟然乎合哂我條件仲要只係230鎊，仲要5星星好評話搬運既人好小心好好服務，於是乎我就直接揀左呢間公司，發覺都係非洲人公司，好似非洲人搬運公司梗有一間係左近既感覺! 我仲搵到個discount code將報價減到200鎊，即場約好哂勁開心。

好啦，當日黎到係兩個手瓜起展既非洲人叫George同George，前者係老細，44歲，做左呢行已經20年，我叫佢地做double G，好有禮貎同埋有交帶，我即場每人封左15鎊利是，大家超高興，前後係間排屋搬走我家當上貨車用左一粒鐘，搬完我仲羅左汽水同曲奇比佢地食休息下，吹水傾到話呢行原來真係多非洲人公司，大大隻個個手瓜起展，強項當然係力量同埋力量，自自然撈搬屋呢行生意。

好啦，然後渣車去到我新個間屋用左半粒鐘，搬返d野落黎都係用左一個鐘多d左右。期間發生一段小插曲，就係話說我買左個雪櫃唔記得比埋安裝錢，要自己安裝，拆拆下發泡膠發覺自己一個男人係攞唔到雪櫃底舊發泡膠出黎😵‍💫😵‍💫😵‍💫，即場企左係度唔知點搞😮‍💨，本身諗住上rabbit task比錢搵人黎搞之際，George二話不說即場逗起雪櫃我攞走下面舊發泡膠，問題解決 … 對佢可能舉手之勞，但我不嬲坐開office，所以勁開心佢幫手搞掂左，搬完哂我又每人再封左10鎊利是，因為堅係身水身汗not easy，最緊要大家開心。

結果超左小小時大概10分鐘，佢地無再計我錢，大家都超開心超快搬完。閒談期間先知原來佢地全英國都搬，倫敦、伯明瀚、利物浦、Leeds、超多地方周圍跑，同埋佢地通常一日先做一至兩單，唔會好似香港咁變態一日做5-6單chur爆。

---------

√ total埋單計埋利是我比左250鎊，但覺得超值，因為d野搬得仔細同小心，全部按時完成。

√ 網站報價必須要用discount code! 網站報價必須要用discount code! 網站報價必須要用discount code! 實在太重要要講3次，實測幫我慳左30鎊。

√ 打電話黎報價個d基本上超old school，仲要勁貴，不考慮。

√ 以我家當既數量黎講必須要貨車一次過，貨van真係好勉強，相信要走2轉。其實香港人真係有心幫既，但奈何我太多野同埋佢既報價唔夠competitive，最嚴重既問題係… 我都要搬…. 搞唔掂 XD

√ 雪櫃既事都搞掂埋，慳返d時間可以嘆下茶打個邊爐。

√ 非洲人搬屋好親切，同當初海運搬野黎既香港人一樣咁親切。佢直情問埋我地d野搬去邊間房，全部都妥善搬到，坊間有d公司既條款可能淨係搬到門口或者大廳或者指定一個area例如睡房。

√ 建議大家都可以用Compare the man and van呢個平台，自己買埋保險就萬無一失。至於我用既呢間搬屋公司老闆contact已放於patreon，有需要既讀者可以取用或者pm我。

√ 我已經refer左兩家人搵佢地，而佢地都話搬得唔錯，仲要平過出面。(又要聲明多一次我無佣收，直接搵佢同埋係平台搵佢地既報價相差不遠)

---------

後記: 我仲未拆哂香港運過黎d箱… (無間道歌曲嚮起…)