[#79 壞過凱婷之係屋企driveway洗車? 出街洗定屋企自己洗? 價錢、時間、效率、效果大比拼?! ]

呢個post實在出得太遲，因為之前係圍爐取暖個谷有好多谷友都鬼殺咁嘈話係屋企洗車會破壞環境架喎、會整到鄰居架喎、英國人唔興洗車架喎云云… 香港人真係衰做壞哂規舉又盛，其實係英國既drvieway洗車，真係要講天時、地利、人和。

不過，天時係講緊最好晴天洗車效果最好，又睇埋天氣報告好d，因為你知啦有d野好邪，通常唔知點解，又無端端，洗完車第二日就會落雨，所以洗車不妨click入天文台個app查下當日天氣同往後幾日天氣，再決定係咪一個好時機洗車，是為天時。

地利就當然係講緊你住個度係屬於排屋區定半獨立屋區，據觀察又真係好少人會係排屋門口洗車，通常都係半獨立屋或獨立屋先會見到屋主洗車或幫架車扮靚靚。

人和當然講緊究竟你住個度隔離左右係咪都會幫架車洗車，入鄉隨俗，隔離都會洗車，自自然你就無破壞規舉，洗車記得唔好噴到隔離就最好。

英國洗車係咪真係壞過凱婷? 如果真係咁，咁我諗超多local都超壞，事實上我住呢度隔離左右都成日幫架車扮靚靚不突止，有時仲會係屋企個garge裝d新野落架車度，筆者有幸見到隔離既屋主之前幫架車裝新零件同包圍，超pro。

相信呢度唔少人都幫襯過超市洗車檔或者A路D洗車攤位，有人手，亦有機洗。其實都好有效率，價錢50-60鎊包埋洗車外面+內籠，仲有打蠟一腳踢，輕輕鬆鬆shopping完半粒鐘至45分鐘左右落黎見到架車煥然一新都幾爽皮。

見隔離屋都洗車，無理自己唔試下，於是乎買齊架生就開工。感覺上，自己整我係會再整得好d，因為知道架車邊d位損耗多需要整好d，靚仔d，效果好d，不過時間就會耐d，我第一次整都攪左兩三粒鐘，第二次就已經快好多，個幾鐘就得。洗車液同蠟就有排先用完。價錢上，買齊架生大概等於三次出去洗車既價錢，但就可以洗好多次。

我用架仔貨soft99，唔知你地又用乜野洗車? 效果如何? 不妨留言交流下。

---------

唔想睇字? 去片: https://www.youtube.com/watch?v=z7p-BBgf1Mo&ab_channel=%E8%8B%B1%E7%A7%BB%E5%85%AC%E9%97%9CUKMrPR