[#8 有人爆格?被人用鎖匙開左入黎我間屋？！]

話說今朝八點幾左右突然聽到門口有鎖匙聲，嚇死我意為上手租客返黎，因為個地產經紀（所謂土生土長既香港華人經紀曾經話過上一手租客好恐佈，無交租就走左，懷疑佢地仲有鎖匙），當堂即刻衝出去門口，見到有個白人有紋身行入黎。(呢個地產同經紀我真係中哂伏，遲下要開post詳細講。)

我: who are you? why do you have my house key?

裝修佬：I was told the house is empty, nobody lives here.

我: who sent you? what are you doing here?

裝修佬：the estate agent gave me an order to fix things here. they told me nobody lives here.

我: （內心：what the fuck?我當然無當面講出黎，因呢度d人如果你媽差佢，佢係會走左去唔幫你。我即刻扮鎮定咁講) thanks for coming over, let me guide you and show you those stuff need fixing。

其實搬入黎個時呢間屋係勁污糟，所謂professional clean完都仲係勁污糟，遲d會出片詳細講租屋呢單野，我亦深深明白點解香港人租屋租到一肚氣，因為呢度d人真係打份工，唔會為你焦急，唔會幫你搞d乜，拖同埋report比上頭知係佢地既口頭禪。

然後個幾月過去了，竟然係無通知既情況下派左個contractor黎幫我執漏，換返d壞左既燈膽同整返個水制，你話激唔激死？想像唔到如果我好早出左去屋企被人笠左野會點 大家租屋入間屋當日記得要做一個詳細的inventory report用影片紀錄全間屋，否則第日你搬走，你個deposit可能就咁就凍過水。

我好慶幸而家會咁樂觀，心態亦改變左唔少，對住呢d人你媽差佢只會自食惡果，但呢樣野對好多香港人黎講的確係一個文化衝擊，我諗我呢個經驗對好多岩岩黎到既香港人黎講係好有共鳴。如果黎旅行視察，都未必會了解到呢一方面，即係咁，其實拍拖同結婚都係兩件事明既就明，唔明既都解釋唔到。

最尾呢個所謂師傅只係換左d燈膽同埋黏好左個水制就走左，仲有其他問題更嚴重既問題未搞掂，佢話會report比上頭搵其他人，我即管睇睇會唔會有人黎整其中一個係有血既床褥.....

anyway 講返間房既燈膽，我自己其實頂唔順比錢換左，要等一個月真係搞唔掂....我解釋個情況佢知話我搬入黎個時係無燈膽，佢堅持唔關佢事，話而家有既話就唔會比個新燈膽我，我當時又係內心o嘴，咁都得？但亦學識左小小事算啦自己比都ok，體驗左呢度既人係點做野，同時調節自己既期望同認知 xD。

門方面，呢度唔似香港可以自己換左把鎖，屋企如果可以都係裝返個ring或者閉路電視穩陣d。

下集待續...

#英國租屋 #uk #bno #uklife #英國生活 #香港人在英國 #香港人租英國屋 #Ukmrpr

_______ Facebook: fb.com/Ukmrpr Instagram: instagram.com/ukmrpr/ Youtube: https://youtube.com/channel/UCDIhO0JrstXzy1njvsnH4Dw