[#80 搬屋懶人包! 搬屋checklist有乜野需要知? 做漏一樣都好大獲? 羅住貓紙逐樣剔就唔怕miss啦?]

不經不覺黎到第八十篇，希望我既故事可以作為大家既指引，黎到英國行少d彎路。

今次講d乜? 話說筆者終於搬完屋又終於unpack哂d紙箱，叫做了左件心事，簡直同洗完架車一樣咁好心情，搬屋呢家野，真係越小越好，除非越搬越大越正越爽，否則就真係唔搬好過搬。

大大話話筆者其實都經歷左幾次搬屋，包括係香港搬離父母既竇去臨時居所、臨時居所搬去自己買既心儀居所 (超開心)，再由呢個居所搬黎英國既租盤，再到而家都叫幾鐘意既屋仔。本地搬屋同overseas搬屋都試過，少d毅力都唔得。

當中實在有太多野需要煩，以下我就列左幾大類型既鎖事係需要英國本地搬屋前後即刻搞。

屋相關:

屋既保險:

雖然話唔好放貴重野係屋企，但係幾百鎊我都豪左比佢買左building and contents既保險以免有乜意外。

Council Tax:

筆者搬左去第二區，所以要同舊council終止，佢會寄封信黎(online)，講你聽最尾一期尾數。新council個度當然都要申請比錢同埋搞垃圾筒事宜。

水電煤:

水我就轉到account黎新屋度，因為係同一個供應商。電煤就要終止服務，記得抄錶，注意如果之前用左fixed energy plan可能會有early exit fee，但因為搬屋又可能可以waive，大家可以爭取下問一下。筆者唯有join另一間能源公司，超貴呀d能源價格，就如同之前新聞講既一樣，升左起碼一倍。

寬頻:

筆者用virgin media有合約，結果提前終結都唔使比early disconnection fee勁好彩，原因係新屋無virgin media 既coverage，於是乎比新屋地址既水費單佢證明新地址就okay。新屋個度當然都記得申請寬頻，一樣啦，無得上網係好慘架，記得搬之前三個禮拜搞定，保證最大程度地減低搬左之後無寬頻用既痛苦。

TV License:

因為筆者好少睇電視，更加少睇直播，如果你都同筆者一樣唔睇電視，記得上返佢網站declare返。

https://www.tvlicensing.co.uk/

信件:

筆者做過郵差相信大家都知，如果有信心已經改哂地址唔會miss左郵件都okay既，但比小小錢郵局做郵遞轉寄就可以保證到d郵件唔會miss左。英國境內郵遞轉寄記得提前5個工作天做。

https://www.royalmail.com/personal/receiving-mail/redirection

各大超市app / 外賣 / 泊車app / gumtree / nextdoor / amazon / ebay / costco:

都係個句，改地址，訂完野錯手送左錯地址就大獲了，哈哈。

煩完間屋就要煩架車...

車相關:

DVLA 改車牌同牌薄地址: BNO同特區都係網上搞就得

https://www.gov.uk/tell-dvla-changed-address