[#84 屋企花園有樹可唔可以直接斬? 樹要點樣先叫對你間屋有風險? 斬之前有乜野要check? 樹其實超正咪亂咁斬?!]

上次買完家居保意識到樹木對間屋都可能會有好大既潛在風險，於是乎都睇緊屋企花園棵目測有十米高既大樹可以點評估、點攪同點預防。

其實樹木有勁多好處，家有一樹如有一寶，特別係大樹，迫不得已千祈唔好斬佢/郁佢，筆者屋企對出10英哩其實有間煉油廠，但我住呢度既空氣其實十分好，多得附近既樹木唔少。樹木有以下好處如數家珍:

1. 防風，鞏固泥土泥沙

2. 溫度調節

3. 蓄水，保持土壤濕度

4. 粉塵過濾器

5. 淨化空氣 – 光合作用有氧氣

6. 高私隱度

返返黎棵樹，其實英國買樓，除非市區/新盤區/密集排屋區，否則總有一棵樹係左近你係可能需要評估下佢會唔會係不尋常既天氣下令到你間屋total loss (榻樹)。

基本上如果間屋附近有樹，而棵樹距離自己間屋係最少有5米距離咁就叫做安全d，否則就太近了，如果再大棵d，距離更加需要遠d，附圖有唔同樹木既安全距離比大家參考，否則有機會樹既樹根會影響到你間屋既地基，又或者d樹枝伸到你屋頂有機會會整爛你既屋頂。屋既屋頂維修係最貴大家都聽講過，都未計樹引伸出黎既蟲或者潛在倒塌引伸出黎既麻煩同危險。(如果樹木係受侵蝕會有好多害蟲，好麻煩，仲未計可能有蜂巢同其他麻煩野)

同大自然共存一直係自己追求既事，所以我都特登搵左樹木醫生公司黎睇下棵樹，評估下個情況。搵任何公司之前，記得要上council 網站，check一check究竟棵樹係咪受保護，因為如果你係無通知既情況下斬左受保護既樹，最高罰2萬鎊，無通知會加罰2500鎊，仲要種返棵樹。

如果棵樹唔止影響到你，範圍仲覆蓋到你鄰居，你都記得同鄰居溝通好幾時會有人黎睇下棵樹，以及其他相關既事情，以免影響鄰里關係。

話說筆者花園對出個三四棵大樹，樹枝已伸到我conservatory上面，因此有需要斬左部分伸得太出既樹枝，另外都強烈要求儘量唔好整到棵樹既整體生長，因為有佢地係度真係正好多，結果樹木醫生公司只係切左佢部分生得太多太過既樹枝，其他一概保存，搞掂完切就清乾淨埋我花園，前後搞左個幾兩個鐘。

---------

√ 樹木太多好處數唔盡，空氣清新養眼既功能已經對人超好，非不得已唔好斬。

√ 搵專業人士黎睇下穩陣d。

√ 做足鄰里溝通超緊要。

√ 筆者貨比三家下搵到一間實測唔錯乾手淨腳既樹木醫生公司，服務曼城至利物浦一帶，如果你有需要斬樹既，可以搵佢地報下價比較下，聯絡方式已放patreon。

√ 如果喜歡既話記得join筆者既patreon，之前已經放哂筆者係英國成功經驗既買樓律師、經紀contact，亦有相熟老實既車行contact等均已放於patreon。

---------

#uk #bno #uklife #英國生活 #香港人在英國 #Ukmrpr #tree #doctor #surgery #evaluation